Økonomisk rådgjeving

Tenesteomtale

Har du betalings- eller gjeldsproblem, kan kommunen gje deg økonomisk rådgjeving. Du skal sjølv etter beste evne prøve å komme fram til ei ordning med dei du skyldar pengar. Men du kan få hjelp til å setje opp eit realistisk budsjett, forhandle med kreditorar og inngå ei gjeldsordningsavtale. Nav har òg oppretta ei landsdekkjande telefonteneste som skal gje ei enkel rettleiing (sjå lenka i brosjyrefeltet).

Rettleiing - korleis få utført

For at du skal få best mogleg hjelp frå rådgjevaren, er det viktig at rådgjevaren får nok informasjon til å danne seg eit korrekt og heilskapleg bilete av økonomien din. Slike opplysningar kan vere

• Siste skatteoppgjer
• Saldo på alle kontiane
• Kopi av husleige- eller framleigekontrakt for dokumentasjon av buutgifter
• Lønnsinntekter og trygdeytingar dei siste tre månadene
• Dokumentasjon på eventuell bustønad
• Opplysningar om lån, kredittgjeld, osb.
• Kvittering for betalt husleige og straum
• Utgifter i til lege, fysioterapeut, kiropraktor, tannlege, osb.
• Utgifter til barnehage, SFO eller annan barnepass
• Utgifter til forsikring
• Opplysningar om innskot i spareordningar

Saksbehandlingstid

Kommunen har plikt til å behandle saka så snart som råd.