Språkstimulering og lese- og skriveopplæring

I barnehage og skule nyttar vi mykje lokalt kulturstoff. Seljord er rik på gamle segn, soger, songar og slåttetradisjonar, og det meste er knytt til lokale stader. Mange i Seljord har opp gjennom åra gjort eit stort arbeid for å samle tradisjonsstoffet, og barnehage - og skulesektoren har systematisert ein del av stoffet for å sikre at det blir brukt på ulike steg og i ulike samanhengar.

Seljord kommune har laga ein lokal plan for lese- og skriveopplæringa i Seljord kommune. Planen skal sikre at elevane våre får ei god opplæring i lesing og skriving, og planen skal vere eit hjelpemiddel for læraren og skulen i arbeidet med å utvikle elevane til å bli gode lesarar og tekstskaparar. Målet med planen er at undervisninga skal vere heilskapleg og sikre god fagleg progresjon. 

Det er viktig å presisere at planen dekker måla for lese- og skriveopplæring. Det er ikkje ein plan for norsfaget. Opplæringa i lesing og skriving skal skje i alle fag.

Nynorsk er hovudmålform i Seljord, og det må kome til uttrykk gjennom val av litteratur, forfattarar, arbeidsmateriell og læremidlar. 

Du kan lese plan for lese- og skriveopplæring her

• Nynorsksenteret
• Lesesenteret
• Skrivesenteret
• Pirion
• Framtida junior
• Tunkatten